Regulis de cjase

Game Master

In Hattrick al è un ciert numar di Game master, o GM. Chest al è un gruput di zuiadôrs cun esperience e particolârs responsabilitâts, che a son stâts nomenâts par garantî il coret funzionament dal zûc, prevignint imbrois e judant i zuiadôrs che àn problemis cun lis propris scuadris. I Game Master a si rindin disponibii parcè che a àn plasê di dâ une man e a no tirin bêçs par chest servizi.

A voltis i Game Master a scuegnin intervignî par scualificâ cui che al imbroie o al viole lis regulis di compuartament dal zûc. Se chest a ves di capitâ a ti e tu pensis di jessi stât injustementri punît, tu âs dut il dirit di difinditi spiegant i mutîf de tô inocence. In ogni câs, e chest al è impuartant, in Hattrick a valin lis stessis regulis che a si doprin intal cjamp di balon.

Tu podaressis domandâti parcè che tu sês stât sospindût, ma nol è compit dai GM spiegâ il lôr operât. Se ogni volte a spieghin cemût che a cjapin i imbroions, cjatâ altris imbroions al deventarès plui dificil un doman. I Gamemaster no son tignûts a dâ lis provis di un pussibil bâr. Dut câs al è oblig dai GameMasters suspindi cualsisedi utent che lôr a son sigûrs che al stedi barant.

I Game Master a àn l'autoritât par dâ diviers tips di punizion ai compuartaments ilegâi: da la multe a la societât fin a la sospension dal zûc.

Lis decisions dai Gamemasters a puedin jessi apeladis ai Vecjos Gamemasters, la decision di chescj no pues jessi contestade. Ten di ments che lis punizions su decisions sot apèl a puedin jessi aumentadis o diminuidis une volte cjapade la decision finâl.

Nô de scuadre di Hattrick o tignìn su i nestris Uficiâi. Cui GM o fevelin regolarmentri dai fondaments de prevenzion dal zûc scoret, ma cence jentrâ masse intai câs specifics. I Uficiâi a àn la nestre plene fidance.

Par contatâ un Gamemaster, par plasè visite la nestre pagjine dai contats. Par plasè no stâ doprâ il sisteme interni di HT-mail par contatâ i Uficiâi cun domandis sul zûc. Il sisteme di mail interni al è par lôr come zuiadôrs, e no come Uficiâi di zûc. Par di plui, la corispondence tra i uficiâi e l'utent e je considerade privade, e e à di sedi considerade cussì ancje tra te e i Uficiâi