O doprìn i cookies - nus judin a dati une esperience di zûc plui biele.
Doprant il nestri sît tu acetis che o memorizedin cookies sul to aparât.

Storie di Hattrick

Stagjon 1 (30 Avost 1997)

Hattrick al je nassût il 30 Avost 1997. Il zûc al è dome in Svedês e al tache cun 16 scuadris. Dôs seriis di test (A e B) e vegnin zuiadis in 7 turnis. 4-4-2 al è l'unic modul che si pues usâ e lis opzions di alenament e son generâl, resistenze e tîrs plaçats

Il sît al siere ogni gnot a 00:30 par fâ ducj i inzornaments, completâ i trasferiments e zuiâ lis partidis. Cuant che il sît al torne a vierzi la matine, tu puedis viodi cemût che son ladis lis partidis.

Il nostalgjic logo origjinâl
Il nostalgjic logo origjinâl

Stagjon 2 (23 novembar 1997)

Hattrick si slargje a 680 scuadris in cuatri divisions (Allsvenskan, div I, II e III) e si trasferìs sul portâl Svedês passagen.se Al ven creât il marcjât dai trasferiments (prime di che volte tu podevis ufrî su cualsisei zuiadôr e se il porprietari al acetave la to ufierte, il zuiadôr al deventave to).

A ven zuiade la prime partide tra nazionâls: Svezie-Danimarcje 1-2. La Danimarcje e jere un clone de Svezie, ma e passaran altris stagjons prime che la Svezie e vedi la pussibilitât di cjapâsi une rivincite.

Stagjon 3 (5 Avrîl 1998)

Hattrick si slargje a 1704 scuadris cuant che ven zontade la div IV. Cheste stagjon e vegnin metudis dentri la cope e lis amichevulis. Zakrock Rooch al devente il prin campion di cope

Stagjon 4 (26 Lui 1998)

La stagjon de riformis sul alenament. E vegnin zontâts tancj altris tips di alenament, rindint pussibil alenâ dutis lis abilitâts, e no dome resistence o tîrs plaçâts. Come efiet secondari di chest gnûf tip di alenament, Per Emilsson, al passe il tet di valutazion massime e al devente il prin e unic zuiadôr cun la valutazion di "Sant" (che e je stade zontade se l'impussibil, cuintri ogni prevision, si fos realizât)

Par chest motîf al ven cambiat il sisteme di valutazions e a vegnin zontâts ponts esclamatîfs dopo la valutazion massime “*****”. Il sisteme complet di valutazion dopo cheste modifiche al è cussì: 0, H, HH, HHH, *, **, ***, ****, *****, *****!, *****!!, e vie indenant.

Stagjon 5 (15 Novembar 1998)

Se al è sucedût al di straordenari in cheste stagjon nol è rivât tai libris di storie..

Stagjon 6 (14 Març 1999)

Nuie di particolâr in cheste stagjon, stant a ce che al è scrit dai libris di storie.

Stagjon 7 (3 Lui 1999)

Pe prime volte al è pussibil usâ tatichis diviersis dal 4-4-2 dal moment che al è pussibil riposizionâ i zuiadôrs.  Di chê strade a vegnin metûts dentri ancje i ordins individuai, che fasin deventâ lis vecjis tatichis ducj-in-atac, otimistic, atent e ultra-difensîf inutilis

Stagjon 8 (24 Otubar 1999)

A la fin de stagjon, tal inizi dal 2000, a ven fondade la compagnie Extralives pal svilup di Hattrick. Lôr a comencin subite a lavorâ su inzornaments impuartants. Sui cjamps di zûc Sunne IK al jentre te storie come la prime scuadre a vinci "la doplete" (cope e campionât).

Stagjon 9 (13 Fevrâr 2000)

La comunitât si sposte di sô iniziative da Passagen a Delphi forums e a cres simpri di plui. Plui indenant al ven lançât il prin sît cun statistichis creadis in automatic, HTSCB - Hattrick Central Bureau of Statistics.

Stagjon 10 (4 Jugn 2000)

Cheste stagjon a vignarà visade par simpri come la ultime stagjon cul look nostalgjic.

Stagjon 11 (15 Otubar 2000)


Dopo un mes cul sît sierât, Hattrick al torne cuntun gnûf design e une sglavinade di gnovis opzions. Hattrick nol è plui disponibil dome in Svedês - tu puedis zuiâ ancje in Inglês e a vegnin lançadis siet gnovis leghis: Argjentine, Gjermanie, France, Inghiltere, Italie, Spagne (che plui indenant a deventarà Messic) e USA. La leghe Svedese a ven slargjade fin a 10920 scuadris, che a vegnin dutis assegnadis in pôc timp


Un logo alternatîf, dal otubar 2000, che nol è mai stât usât
Oltri lis gnovis leghis la grande novitât e je che Hattrick al è simpri online e dût al sucêt in direte, ancje lis partidis! Il sisteme di valutazion al è cambiât cun lis stelis e miezis stelis, e a vegnin zontadis trê gnovis denominazions (fenomenâl, sorenaturâl e divin) par un totâl di 15 in dût

A la fin de stagjon un zovin portîr Bob Sunesson, al jentre in Hattrick a 22 agns, e plui indenant al deventarà il zuiadôr plui cognossût dal zûc, si ben che la so abilitât miôr no lave oltri il misar in cross.

Stagjon 12 (4 Fevrâr 2001)

Da cheste stagjon tu restis te stesse serie se no tu vegnis promovût o retrocedis, prime di cumò lis scuadris de stesse division e vignevin assegnadis a câs ogni stagjon.

A ven butade sul marcjât la maiute verde di Hattrick, la prime robe a podê sedi comprade te buteghe.  4 gnovis leghis a jentrin tal mont di Hattrick: Norvegje, Danimarcje, Finlande e Olande

Stagjon 13 (27 Mai 2001)

La funzion Hattrick Supporter a ven mandade fûr, un servizi avanzât che plui indenant al fasarà sorevivi Hattrick e al permetarà al svilup dal zûc

Par 15 SEK (cirche 1,5€) al mês tu âs une liste dai amîs, cualchi statistiche personâl e gnovis dal vîf te bare superiôr. Forsi plui impuartant al fat che il Supporter al jere un mût par sostignî il zûc. Doi mês dopo il Supporter al ven slargjât cun lis divisis, la vetrine dai premis, comunicâts stampe, logos, federazions e plui statistichis.

A vegnin tiradis dentri 23 gnovis leghis: Oceanie, Spagne, Portugal, Polonie, Romanie, Cile, Brasîl, Turchie, Colombie, Perù, Cine, Uruguay, Venezuele, Canade, Russie, Tailandie, Scozie, Irlande, Gjapon, Coree dal sud, Egjit, Indie e Sud Afriche.

Lis prestazions incredibilis di Bob Sunesson a vegnin ricognosudis dal HFA (Hattrick Football Association), e lu ricognossin come "membri de scuadre amât" - un dai prins "ûfs di Pasche" di Hattrick.

Stagjon 14 (16 Setembar 2001)

A la fin Hattrick al à il so sisteme di forum, cuntune struture ad arbul, e la comunitât e à un puest plui naturâl par cjatâsi e discuti. A vegnin lançadis lis versions in Francês e Spagnûl e sîs gnovis leghis si zontin al zûc: Singapor, Svuizare, Islande, Belgji, Austrie e Malêsie.

La pagjine dai trasferiments a ven inzornade, cun plui pussibilitâts di ricercje, rindint pussibil cirî par abilitâts. Un altri cambiament al è che il spirit di scuadre al cambie ogni dî in piçulis dosis invezit che un grant cambiament une volte le setemane.

Il prin servizi pai celulârs, dome pe Svezie, al ven introdusût e il Supporter al ven slargjat cun numars di scuadre, libri dai ospits e forum di federazion. CHPP (Certified Hattrick Product Provider), un program di colaborazion cun svilupadôrs indipendents a Hattrick al ven butat fûr. Tu puedis comprâ i programs CHPP te buteghe.

Stagjon 15 (6 Zenâr 2002)

Si pues disi che al è sucedût cuasi di dût te stagjon 15. E je començade cun gnovis opzions come events speciâi, amichevulis internazionâls, partidis di derby e scuadris nazionâls - une modifiche impuartante pe comunitât globâl

E je finide cun la Svezie che vinç la prime Cope dal Mont (nissune sorprese) e la gjestion di une grave crisi economiche cun l'introduzion di salaris dai zuiadôrs plui bas, tassis plui basis, premis pe promozion, tet dai interès e bêçs pe scuadre mari e le ultime scuadre.

Dutis lis scuadris a cjapin bêçs pai dirits TV a mieze stagjon, dût chest parcè che la economie no si svilupave daûr dal zûc.

Tal mieç di dutis chestis robis la scuadre dai HT e passe da 3 a 9 membris parcè che e covente plui int par judâ tal svilup, le aministrazion e vie indenant. I gnûfs sîs membris e judin in maniere dal dût volontarie, ma cualchi an dopo cuasi ducj a deventin impiegâts de Extralives. Il fat che e ven butade fûr la version dal zûc in todesc al passe cuasi cence sedi viodût.

Stagjon 16 (28 Avrîl 2002)

Ongjarie, Republiche Ceche, Lituanie, Indonesie, Filipine, Estonie, Grecie, Croazie e Jugoslavie, che deventarà plui indenant Serbie e Montenegri e a la fin Serbie, si zontin a la famee di Hattrick. I servizis pai celulârs a son disponibii par ducj i utents, e i Supporter e an i segnelibris e lis musis dai zuiadôrs. Chei che si domandavin che muse che al veve Bob Sunnesson e scugnin continuâ a domandâsal, parcè che la so muse e je simpri cuvierte da robis diferentis.

La Cope dal Mont e veve une pagjine e un logo separâts te prime edizion.

La HFA a decît di paiâ 1/3 dal stipendi dai zuiadôrs de Nazionâls cuant che zuin partidis sie pe Nazionâl che pe lôr scuadre di club. La Svezie a vinç la prime Cope dal Mont U20, di gnûf cence sorpresis, e il prin zuiadôr a rivâ a 10 * al è Thomas Ranlind, un portîr Svedês che une stagjon dopo al vignarà licenziât dal so paron Svedês

Stagjon 17 (18 Avost 2002)

La stagjon 17 e je la Stagjon dal Aniversari, viodût che Hattrick al fâs 5 agns. Cumò come cumò a son 60.000 a zuiâ a Hattrick. A son cinc gnovis denominazions (titanic, Extra-terestri, mitic, magjic, utopic) zontadis a lis 15 di prime, dôs gnovis leghis (Hong Kong e Taipei Cinês) e la version in Danês

Il sisteme di forum ad arbul al ven abandonât e rimplaçât cuntun gnûf sisteme, insieme a la opzion "dâ un cuc" Il spirit di scuadre al scomence a jessi influenzât dai trasferiments e i Supporter e an plui statistichis, notis e letaris da lis federazions. Al nass il prefiss Mod, par ricognossi facilmentri i moderatôrs dai forum.

Stagjon 18 (8 Dicembar 2002)

Trê gnovis lenghis (Eston, Talian e Danês) e cuatri gnovis leghis (Bulgarie, Gales, Israêl e Slovenie) si zontin al zûc. Al è plui facil vuadagnâ esperience te formazion e al vûl plui timp par pierdi esperience.

La ricompense par zuiadôrs de nazionâl e ven cambiade. I zuiadôrs no cjapin nissun alenament zuiant in nazionâl, ma la HFA e continue a paiâ 1/3 dal lôr stipendi se il zuiadôr al zuie pe so Nazion

Il pachet Supporter al ven slargjât cun promemoris e i banner no vegnin ricjamâts pai Supporter - une novitât verementri preseâde. Il prefis LA al ven dât pe prime volte ai nestris tradutôrs

Stagjon 19 (30 Març 2003)

Il numar di utents atîfs al passe la figure magjiche di 100.000. I gjornâi de comunitât e cjatin un lôr spazi par publicâ i articui sul sît, AHP (Associated Hattrick Press) e i tifôs de scuadris a deventin plui inteligjents, par esempli a scomencìn a ricognossi in ce serie che tu stâs zuiânt.

Vie pe stagjon e ven butade fûr la version dal zûc in finlandês.

Stagjon 20 (20 Lui 2003)

A vegnin introdusudis lis tatichis, ma e puedin jessi usadis dome te amichevulis cheste stagjon, e il mistîr dai zuiadôrs e scomence a influençâ lis lôr prestazions. Il vecjo sisteme dulà che tu paiavis 10 000 US$ e tu vevis un gnûf alenadôr a câs al ven cambiât. Cumò tu puedis trasformâ un to zuiadôr in alenadôr, o pûr paiâ par vêlu gnûf cun lis abilitâts a to sielte.

Sîs leghis (Lituanie, Slovenie, Ucraine, Bosgne e Erzegovine, Vietnam e Pakistan) e trê lenghis (Polac, Portughês e Catalan) a vegnin zontâts. Il Supporter al ven slargjât cun plui tips di maiutis, plui statistichis e cualchi novitât tai forum, e la colaborazion cui programs CHPP a cambie par rindi pussibii plui tips di programs, dût câs no si puedin plui comprâ te nestre buteghe.

La Romanie e devente la prime scuadre a bati la nazionâl Svedese intune competizion uficiâl (Cope dal mont U20) e la Romanie e vinç ancje la Cope dal mont U20 in cheste stagjon.

Stagjon 21 (9 Novembar 2003)

Hattrick al rive a 250.000 utents atîfs! Sîs leghis (Paraguay, Ecuador, Bolivie, Nigjerie, Maroc, Far Oer) e sîs lenghis (Flamant, Turc, Portughês Brasilian, Rumen, Grêc, Lituan) a vegnin zontadis e HT Live e je la grande novitât.

Lis jentradis dai spetatôrs a vegnin cressudis dal 25% e la Cope dal Mont e cambie forme. Il prin calendari di Hattrick al è in vendite te buteghe e al è ancje pussibil scometi su lis partidis di Hattrick gracie ad une colaborazion cuntun sît di scomessis. La dominazion Svedese sui cjamps di zûc a finis definitivementri cuant che la Norvegje e vinç la Cope dal Mont.

Stagjon 22 (29 Fevrâr 2004)

Arabie saudide, Tunisie. Coste Rica, Emirâts Araps Unîts, Lussemburc, Iran, Republiche dominicane e Cipro e son i gnûfs membris de famee, e Ongjarês, Lituan, Argjentin (plui indenant Sud American) Spagnûl e Bulgar a son lis gnovis lenghis.

Stagjon 23 (20 Jugn 2004)

Hattrick al rive a 400.000 utents atîfs, cun 25.000 di lôr tacats ducj tal stes moment Par ridusi la impuartance dal 'daytrading', a vegnin cambiadis lis tassis e lis renditis dai trasferiments, rindint mancul convenient comprâ e tornâ a vendi zuiadôrs tal zîr di pôcs dîs. Chel che une volte si clamave "valôr di marcjât" al ven sostituît dal TSI (Total Skill Index). Chestis misuris a coventin ad aumentâ la cognossince dal valôr reâl di un zuiadôr sul marcjât.

I stipendis dai zuiadôrs a vegnin cambiâts rindint lis abilitâts secondaris plui economichis, i tifôs e deventin plui furps, dutis lis scuadris e puedin fâ un cuintripît e il valôr dal câs te valutazion de difese/atac al è sbassât Lis valutazions de scuadris e vegnin smiezadis e di cumò si puedin viodi i sotnivei une vore bas, bas, alt, une vore alt.

Lis gnovis leghis Irlande dal nord, Bielorussie, Macedonie, Kenia, Panama e Gjiamaiche, e lis leghis Cravuat, Ebreu, Rus e Ucrain e son zontâts. Hattrick Clubhouse al è il gnûf servizi speciâl pai Supporter, che si cjatin ancje un grum di novitâts sui forum e altri robis.

Stagjon 24 (10 Otubar 2004)

Il numar di utents atîfs al rive a 500.000 e al ven celebrât cuntun fumet sul mont di Hattrick. Il Brasîl al proteste par une simiute metude par erôr sore chel Pais, te mape. Dopo pôçs dîs la simiute e ven gjavade.

LA grande novitât e je il gnûf formât de Cope, dulà che 32768 scuadris a puedin partecipâ, cuintri lis 8196 di prime. i biliets e lis jentradis dai sponsor a vegnin alçadis dal 10% e i premis pe seris dopleâts Hattrick al ven voltât ancje in Cec, e a vegnin zontadis sîs gnovis leghis: El Salvador, Honduras, Kyrgyzstan, Malte, Moldavie e Albanie.

La version dai fumets cence simie.

Stagjon 25 (30 Zenâr 2005)

Pe prime volte te storie di Hattrick la Svezie no je plui la nazion plui grande, viodût che sie la Spagne che la Olande e àn plui utents atîfs. E vegnin zontâts doi gnûfs tips di alenament, passaçs luncs e posizions difensivis. Tîrs al devente 25% plui eficaç. I gnûfs cambiaments te formule dai spetatôrs al stadi al cree mancul flutuazions tal numar di spetatôrs, viodût che l'umôr dai tifôs al è mancul impuartant.

Lis “Ultimis gnovis” di ogni serie a son tornadis dopo ben 14 stagjons, e arin sparidis te stagjon 11 a cause dal cambiament di stîl di Hattrick. Jordanie, Andore, Gjeorgjie e Guatemala si zontin a la famee e il Galizian al devente la lenghe numar 30. FC Hong Kong e je la prime scuadre a vê plui di 100 milions di Euro in casse.

Stagjon 26 (22 Mai 2005)

Il numar di utents atîfs al è cumò di oltri 600 000. Suriname, Nicarague, Trinidad & Tobago e Kazakhstan a deventin membris di Hattrick e lis lenghis Serp, Norvegjês e Slovac e jentrin tal zûc. I Supporter a ricevin un inzornament cun statistichis pai segnelibris e i forum regjonâls.

Stagjon 27 (11 Setembar 2005)

In a pene une stagjon, 100 000 gnûfs utents si iscrivin a Hattrick e cumò o sin plui di 700 000 utents atîfs. A ven introdusude la licence Manager, par judâ i gnûfs utents a movi i prins pas tal zûc. Une gnove tatiche, zuiâ creatîf, e ven butade dentri il zûc, cussì come la pussibilitÂt di ordenâ ai tiei tacants "viers lis alis" insieme cun il gnûf alenament "Atac su lis alis". Tal stes timp i tacants e dan mancul contribût, e lis alis di plui, ai atacs su lis alis.

Al ven introdusût il ranking de seris e il visualizadôr dal stadi, dulà che tu puedis creâ il to stadi, se tu sês supporter. I servizis pai celulârs a deventin interatîfs, tu puedis plaçâ ufiertis sui trasferiments diretementri dal to celulâr, par esempli.

Alzerie, Armenie, Liban, Liechtenstein, Mongolie e Senegal a son lis gnovis leghis di cheste stagjon, e lis gnovis lenghis a son Corean, Gjaponês e Sloven. Ultin ma no mancul impuartant Hattrick al à la sôwiki.

Stagjon 28 (1 Zenâr 2006)

Jenfri lis stagjons 27 e 28 dutis lis scuadris cence paron, che fin cumò no vegnin tocjadis e a davin "walk overs" fin cuant che no rivavin te ultimis seris, dulà che vignevin assegnadis di gnûf, a deventin scuadris BOT. Il pas sucessîf in cheste "Riforme de Seris" al ven fât a la fin de stagjon, cuant che il sisteme de seris al devente a forme di piramide (plui base e je la division, plui a son lis seris) invezit che a butilie. Dutis lis scuadris BOT a vegnin spostadis a la base de piramide.

Il risultât al è che lis scuadris BOT a rivin insom de seris plui a la svelte, e a vegnin rimplaçadis subite, invezit che restâ tal mieç dal sisteme par tantis stagjons.

I Hattrick Masters a vegnin zuiâts pe prime volte, cuntun vincitôr Francês: FC Barentin. Cartoon United, un fumet su Hattrick, al fâs la so prime aparizion sul sît, e Hattrick al scomence ancje a sponsorizâ scuadris di balon veris. Altris cuatri gnûfs membris: Bahrain, Barbados, Cjâf Vert e Cueste di Avoli.

Stagjon 29 (23 Avril 2006)

Plui di 800 000 utents atîfs a zuin a Hattrick. A ven zontade une gnove pagjine in Flash par gjestî i ordins de scuadre. Tu pais i stipendis dai zuiadôrs la prime setemane (subit dopo che àn firmât) e lis cronachis de partidis a son plui varis.

I Supporter si cjatin un grant inzornament cun la Liste di Aur, la pussibilitât di disegnâ la divise, liste dai amîs plui grande e rapuarts dal alenadôr, juste par nomenâ un poçs. Par di plui i Supporter e scomencin a vê compensazions pal timp che i server no son disponibii. Azerbaijan e Irak e jentrin tal mont di Hattrick. Al ven fât un censiment globâl sul zûc e lis rispustis a son 200.000 - Fantastic!

Stagjon 30 (13 Avost 2006)

La bariere dai 900.000 e ven butade jù. La resistence e scomence a calâ vie pe stagjon e i zuiadôrs a scomencin a pierdi lis abilitÂts cun la etât in cuantitâts plui piçulis ma plui di spes. Cumò la confidence e pues rivâ a nivei sore "magnifiche", e i zuiadôrs a puedin vê la abilitât "inesistent". Lis scuadris Nazionâls e àn un grum di opzions grafichis, e i Hattrick Master si fasin in 4 setemanis.

A vegnin butadis fûr une tierce version in Spagnûl (Americhe Centrâl) e la version in lenghe Kyrgyza. E fasin al lôr ingrès tal zûc lis leghis dal Kuwait, Angole, Bangladesh e Montenegri.

Stagjon 31 (3 Dicembar 2006)

Un forme di cariere alternative, lis concuistis, a ven butade fûr. Lis jentradis dai sponsor e vegnin alçadis e a vegnin diminuidis lis tassis e i bêçs pai agjents.

Il pachet Supporter al ven slargjât cun plui statistichis. Oman e Yemen e son lis gnovis leghis, e cun lis gnovis versions in Bielorùs e Basc lis lenghis cumò e son 40.

Stagjon 32 (25 Març 2007)

La plui grande novitât mai mandade fûr: Lis scuadris zovanîls - un zûc tal zûc dulà che tu gjestissis la to scuadre dai zovins e tu alenis lis stelis dal doman. Un mes dopo le butade fûr a son plui di 500 000 scuadris zovanîls in Hattrick. Hattrick al cambie look, e i utents cumò e puedin apelâsi a lis decisions dai GM cui Vecjos GM, i cjâfs de organizazion dai GM.

I Supporter e àn un rapuart sul alenament dai zovins, e e puedin viodi i coments dal alenadôr su la pagjine dai zuiadôrs. A la fin de stagjon i zuiadôrs e an i compleans individuâi, prime i zuiadôrs a vevin ducj il complean tal tacament di stagjon.

Stagjon 33 (15 Lui 2007)

Hattrick al fiesteze il so decim aniversari cun l'introduzion dal imprest calendari, une funzion di invît e la gnove chat inegrade tal visualizadôr de partidis. Dopo o vin ancje la valutazion dai logo e i Supporter a àn plui opzion di segnelibris.Ghana, Mozambic e Brunei a jentrin te famee di Hattrick, e il Frisian e Lussemburghes a son lis gnovis lenghis.

La resistence a ven cumò alenade come percentuâl dal alenament totâl, invezit che separade come lis altris abilitâts. Il prin pâs par tornâ a meti in strade l'economie e je une riforme a inizi stagjon, cun stipendis e coscj di costruzion sbassâts, e cun sponsors e presit dai biliets alçâts. A la fin de stagjon si pues viodi un aument dai presits di marcjât, par meti fin a diviersis stagjons cui presits in ribàs.

Stagjon 34 (4 Nov 2007)

Plui di 75 000 utents online tal stès moment in Zenâr. L'alenament al divente plui svelt ai nivei bas, ma plui lent ai nivei alts. Tal stès mût, il câl di abilitâts al scomence a dipindi ancje dal nivel e no dome de etât. Un gnûf motôr di zûc (cun gnûfs contribûts dai zuiadôrs e dulà che la resistence e je impuartante tal stès mût par ducj i zuiadôrs) al ven provât tes amichevulis par promovi il doprâ zuiadôrs multiskill.

Ancje lis scuadris zovanîls a 'nd an un grum di miorîs; abilitâts dai zuiadôrs pompadis, regolâts i nivei di resistence e miôr informazions sie dai alenadôrs che dai oservadôrs.

Hattrick News, lis gnovis di Hattrick vie mail, e ven mandade fûr pe prime volte. A ven mandade fûr ancje la traduzion in Persian e Benin e Sirie a son lis gnovis leghis di cheste stagjon.

Stagjon 35 (24 Fevrâr 2008)

The new match engine is now in use for all matches. Training becomes minute based (earlier it only depended on last position played) and set pieces starts to work as all other player skills (earlier all players in the whole squad received set pieces training, and set pieces didn’t affect the salary). Fans expectations – what the fans expect before each match – is released and immediately starts to play an important part in all managers’ lives. The ticket price for places under roof is increased, and more such tickets are being sold in cloudy and rainy weather. Moreover, the home team in a derby starts to gain a small advantage which wasn’t the case earlier seasons.

Match of the season, Il zûc di taule di Hattrick, al rive te buteghe. Il plui grant scandai fin cumò – Global Football Monitor – al ricêf l'incredibil numar di 440.000 rispuestis. A ven introdusude la version in Bosniac e lis leghis di Tanzanie e Qatar.

A la fin de stagjon tu puedis provâ lis sostituzions condizionâls te scuadre zovanîl.

Stagjon 36 (15 Jugn 2008)

Hattrick Press, il nestri gjornâl fat dai utents, al ven mandât fûr, e il sisteme interni di mail al ven miorât cun gnovis funzionalitâts. I tîrs plaçâts indirets a deventin une realtât tes amichevulis e l'atac su lis fassis al devente plui eficient gracie al comedament di un bau. Lis istruzions individuâls a rindin pussibil escludi un zuiadôr dal alenament de abilitâts, e nol è plui pussibil vê in contemporanee ducj i doi i sistemis di zovanîls.

Ugande e Maldivis e jentrin tal mont di Hattrick. Il jemplament dai campionâts pe gnovis scuadris al è miorât par sburtâ la competizion jenfri umans, lis gnovis scuadris no vegnin plui lassadis "di bessôlis" come uniche scuadre vuidade di umans. O vin ancje viert il nestri sît Stage par 5000 utents normâi, e il Furlan al devente la nestre lenghe numar 45.

Stagjon 37 (5 Otubar 2008)

La gnove grafiche di Hattrick e viôt la lûs a metât Dicembar, di sigûr il plui grant cambiament dai ultins timps. Cun la gnove grafiche e rivin ancje un grum di gnovis robis, come il gnûf forum e lis gnovis musis dai zuiadôrs. I Supporter e àn un gnûf disegnadôr di maiutis, e a puedin sielzi ancje un avatar.

Cun la gnove grafiche dutis lis modifichis fatis pôc prime a son stadis dismenteadis ae svelte. Ma il grup pe amichevulis nol pues sedi dismenteât, cussì come i utents de divisions plui bassis che puedin invidâ i amîs te stesse serie.

Cun la gnove ricercje tu puedis cirî zuiadôrs in trasferiment in dut il mont, no tu scugnis plui cirî par zonis. I tîrs plaçâts indirets a son zontâts al motôr di zûc, e Beltrix e devente la prime scuadre a vinci i Hattrick Master par dôs voltis.

Stagjon 38 (25 Zenâr 2009)

In cheste stagjon si son metudis in vore lis sostituzions condizionâls, daspò che e erin stadis provadis tes amichevulis e tes partidis des zovanîls.O vin ancje introdot une gnove tatiche: tîrs di lontan.

Tal marcjât a è stade introdote une regule par limitâ lis venditis ecessivis di zuiadôrs. Cumò, un zuiadôr nol pues sedi metût sul marcjât plui voltis dal numar di partidis che al à zuiât pe tô scuadre. Al è stât metût un limit di 50 zuiadôrs par scuadre.

Ancje il pacut supporter al è stât cambiât. Probabilmentri la novitât plui grande a è la pagjine cun la prevision des partidis. Altris modifichis introdotis in chest inzornament e son i profîi di ricercje, la creazion des scurtis e ultin, ma no parc chest mancul impuartant: nissune publicitât par i supporter.

Ah, e no stin a smenteasi di Dalv. Il prin di Avrîl l'assistent di Hattrick, Dalv al è jentrât tal zûc declarant che al ere chi par judâ. Dalv al è stât il nestri prin scherç di Avrîl uficiâl, e al è stât une vore preseât.

Stagjon 39 (17 di Mai dal 2009)

L'efiet de fidance al ven sbassât tal motôr di zûc, e chest al fâs sì che i difensôrs e i portîrs e rivedin a fermâ i atacs plui facilmentri. Tal stes timp lis valutazions des partidis e son diventadis plui precisis e i efiets de fidance, de confusion e dal sierâsi in difese a son diventâts completementri visibii.

HT Live al è stât miorât tanton e cun la zonte di Re-Live tu puedis vivi la esperience dal Live ancje cuant che no tu puedis sedi in linie tant che si zuin lis partidis. E son stadis zontadis dôs gnovis lenghis, Vietnamit e Macedone. La zonte di cheste ultime e à puartât in Hattrick la dispute jenfri Macedonie e Grecie e tai forum di chescj paîs e son nassudis svariadis discussions sul argoment.

Stagjon 40 (7 Set 2009)

La stagjon 40 e je stade avonde cuiete, cence cambiaments al zûc. Ma Hattrick al prodûs le aplicazion par Facebook. Lis concuistis e vegnin inzornadis e e ven metude adun une liste des concuistis disponibilis. E ven inseride la opzion par mostrâ lis scuadris di balon preferidis dai utents.

Stagjon 41 (28 Dic 2009)

Prime che e scomenci la stagjon, dutis lis scuadris bot de serie sîs in ju e son stadis retrocessis te serie plui basse, e lis scuadris cun utents atîfs e son stadis promovudis miorant la competizion. La distribuzion des azions di base e je stade cambiade, fasint in maniere che cualchi ocasion e sedi esclusive di une des dôs scuadris par miorâ il belançament e ridusi la variance. Chest al à miorât ancje la gjestion des tatichis cuintripît e pressing.

Il Maltês e je la 50esime lenghe in Hattrick, e o vin zontât la pagjine des informazions di sisteme che e miore tanton lis nestris pussibilitâts di comunicazion. La HFA e à dât il benvignût a une gnove gjenerazion di gjornaliscj, che a son usâts a rivâ in orari aes partidis, e ae fin de stagjon o vin provât la gnove pagjine de formazion prime tes zovanîls e daspò tes amichevulis de prime scuadre.

Stagjon 42 (19 Avrîl 2010)

Pe prime volte o vin un motôr che nol è basât sul 4-4-2. Il gnûf motôr al pues gjestî cualsisei formazion cence riposizionâ i zuiadôrs che al è une vore plui sempliç. Un altri pro di chest cambiament al è che i centricjampiscj centrâi a son mancul impuartants rispiet a prime.

La pagjine des financis e je stade inzornade, e je plui detaiade e e à ancje un struc des stagjons. I Supporters a àn ancje grafics finanziariis par vê une vision plui largje des financis. Hattrick al à scomençât une colaborazion cul famôs gjornâl sportîf Talian Gazzetta dello sport.

Stagjon 43 (9 Avost 2010)

In cheste stagjon Hattrick al è deventât adolessent, un travuart impuartant. La gnove plui impuartant de stagjon e je stade un alenament plui svelt, a cierts nivei di abilitât tant plui svelt - ma ancje plui lent ai nivei plui alts. Tal stes timp, i câi di abilitâts a dipendin plui dal nivel de abilitât che da etât dal zuiadôr. A son ancje cambiaments sul staff; I alenadôrs dai portîrs a son zontâts ai assistents alenadôrs, i economiscj a son stâts eliminâts e tu puedis ve un massim di 30 personis tal staff (e al plui 10 par tip).

La simulazion dal gnervosisim e de sot-stime e je stade miorade tal motôr di zûc, e i events speciâi a son distribuîts in maniere proporzionâl al possès de bale. I dotôrs a son contents parcè che lis gnovis scuviertis de medisine e àn interot i infortunis masse luncs; cuant che un zuiadôr si fâs mâl, +4 e sarà la massime durade dal infortuni.

Come se nol fos vonde, in graciis di un membri de comunitât (jimrtex) o vin miorât ancje il lunari dai campionâts. E tabaiant de comunitât: al è stât metût in prove un gnûf sisteme di ricercje pai forum e i svilupadôrs a àn viert un blog par condividi lis lôr esperiencis.

Stagjon 44 (29 Nov 2010)

Daspò cetancj agns, Hattrick al è disponibil in Arap. Il pachet Supporter al ven inzornât cun lis classifichis in direte e cjase/fûr, botons 'mi plâs' e coments sui comunicâts stampe e fotos di scuadre. I coments pre-partide a son disponibii par ducj e al è pussibil organizâ amichevulis cun Facebook.

Al è stât gjavât l'alenament gjenerâl (forme).

Stagjon 45 (21 di Març 2011)

A lot of things happened around Hattrick this season. The perhaps biggest change in Hattrick is the introduction of My Office, the new start page for all managers. Apart from that there was three big releases: Hattrick United (our blog portal), Hattrick Widgets (widgets ready to use on almost any site/blog) and Hattrick Open (where you can play Hattrick tournaments against your friends whenever you want).

Hattrick Supporter celebrates its 10th birthday with customizable manager avatars, linked press announcements, new backgrounds and improved transfer hotlist.

Camerun, Uzbekistan, Cube e la Palestine a son i gnûfs membris de famee di Hattrick, e al è stade metude in vore la lenghe islandese.

Stagjon 46 (11 di Lui 2011)

The match order form is improved with a rating predictor and a player's ideal position is highlighted. Newbies can start asking their coach for a lineup suggestion. Letting two players swap positions on the pitch also becomes possible.

Ducj i utents a àn acès ai rapuarts di alenament di base. I Supporter a àn un rapuart di alenament miorât, che al inclût i inzornaments di resistence e forme, insiemit a grafics sul svilup dal stadi e dal club dai tifôs. E je ancje la pussibilitât di fa la formazion tramit i prodots CHPP.

Stagjon 47 (31 Otubar 2011)

La fedeltât dai zuiadôrs restâts in scuadre par tant timp ju fasarà zuiâ miôr. O zonìn Hattrick Gears, l'insiemi di funzions a paiament, come il cambiament des musis dai zuiadôrs. A son ancje gnovis statistichis tal sît, in chê che e podarès sedi clamade une versione plui svelte di Alltid.org- Hattrick Press e à un blog dedicât in Hattrick United e ancje lis federazions a podaran vierzi un blog culì.

O sin contentons di jessi stâts votâts come il Plui Preseât Zûc di Simulazion dal 2011!

Stagjon 48 (20 di Fevrâr 2012)

Tu puedis invidâ plui amîs tal to campionât se tu zuis tai ultins dôi. Cun Hattrick Torneus tu âs ancje la pussibilitât di zuiâ cuintri cui che tu ûs cence riscjo di infortunis o cartelins che a podaressin interferî cul zûc normâl.

Un grant pas te nestre storie e jê cuant che Hattrick si met cun Zattika, un editôr di zûcs che al ponte sui zûcs sociâi e mobii.

Te pagjine de formazion tu podarâs viodi lis uniformis di zûc e i zuiadôrs che àn bielzà zuiât une partide dal ultin alenament a vignaran segnalâts. In plui, e ven dade fûr une App uficiâl di Hattrick par iPhone e si pues colegâsi vie Facebook.

Stagjon 49 (11 di Jugn 2012)

Il nestri gnûf centri di reclutament al rind plui facil invidâ i tiei amîs in Hattrick. Insiemi cun Hattrick Press o organizìn un Concors di Scriture dolà che tu puedis scrivi articui su le to cariere in Hattrick. Une gnove Licence di Gjestôr e ven pensade al puest de vecje Sfide pe Licence di Gjestôr, come part dal svilup ae gnove esperience dal utent.

Par il 15° Complean di Hattrick, o festezìn cun gnovis statistichis che a dan plui informazions su lis partidis. E o butin fûr le nestre pagjine dal Aniversari dolà che o condividìn biei moments dai prins 15 agns.

I utents cun il smartphone a podin zuiâ a Hattrick ancje cun le App uficiâl par Android, che e à lis stessis funzionalitâts di chê par iPhone.

Stagjo 50 (1 di Otubar 2012)

I grafics des valutazions a zontin plui valôr aes gnovis valutazions detaiadis. Lis sfidis ti dan la pussibilitât di sfidâ dutis lis scuadris e zuiâ ancjemò plui partidis al di là dal solit calendari.

Il nestri pacut Supporter al è stât miorât cun, tra lis altris robis, prospet dai Trasferiments, dissegnadôr di logo dal Club e des maiutis. E cualchi funzionalitât dal vecjo Supporter al è stât fat public.

Lis ufiertis in automatic e dan la pussibilitât ai gjestôrs di durmî pacjifics di gnot par comprâ il zuiadôr che tant a vuelin. Te bacheche des ufiertis tu podis vuadagnâ Ponts Ricompense par vê Supporter e Credits cence spindi un euro!

Stagjon 51 (21 di Zenâr 2013)

Condividint i tiei risultât cui social networks, tu podarâs fâ savê ai tiei amîs des eroichis vitoriis o des sconfitis injustis.

Hattrick Supporter nol è plui un prodot, cumò o vin trê, Platin, Aur e Arint. Presits difarents par Nazion, a dan la pussibilitât di comprâ il Supporter a un cost plui bas di prin.

Tancj a dubitavin che o podessin pensâ un Pes di Avrîl miôr di Dalv. Meti dentri i arbitris al è stât un bon tentatîf. E cumò si pues vuadagnâ Ponts Ricompense ancje invidant amîs in Hattrick.

Stagjon 52 (13 di Mai 2013)

Lis Scjaladis a son une competizion alternative plui svelte, par chei che a vuelin plui azion, une gnove sfide o pûr àn gust di zuiâ in un gnûf torneu divertent e apassionant . L'Azerbaijan e devente la 54esime lenghe disponibil in Hattrick. Une pagjine dal stât dal acont e je pensade par rindi plui amichevul Hattrick.

Par problemis di bêçs Zattika e torne a vendi Hattrick ai vecjos proprietaris. Tant ben par cualchidun, Hattrick al va indenant, ma al scugne saludâ cualchi compagn une vore brâf e stimât come HT-Klas e HT-Tjecken.

Stagjon 53 (2 di Septembar 2013)

Dopo tancj agns, Hattrick al salude finalmentri ae regule dal Golden Goal, come che nus àn domandât tal vôt dal aniversari. Graciis a chest vôt tu puedis ancje cjalâ, cambiâ e scancelâ lis formazions di partence.

Lis scuadris dai zovins no varan plui une setemane di polse durant la soste de prime scuadre.

Stagjon 54 (23 di Decembar 2013)

Un gnûf strument pai alenadôrs al fasarà une stime di trop timp che al vûl pai zuiadôrs prime di rivâ al prossim nivel di une abilitât.

Graciis a un miôr aiût pe aplicazions CHPP, i nestris svilupadôrs, nestre part tierce, a puedin cumò fâ gnovis, miôr e plui interessantis aplicazions, che prin no podevin fâ.

Pe prime volte, part dai forums di Hattrick a podin jessi lets dai visitadôrs che no zuin a Hattrick. O vin metût Scjalis pes Federazions. E dopo al è deventât pussibil pai Supporters viodi cemût che lis statistichis a cambin durant lis partidis cun Live Ratings.

Par finî cheste stagjon, il Fair Play finanziari al è stât butât fûr par sigurâ un nivel unic par ducj i sistemis des leghis internazionâls di Hattrick.

Stagjon 55 (14 di Avrîl 2014)

Ta cheste stagjon il gnûf sisteme dal staff al cjape pît, e i utents a cjapin decisions su cui cjapâ sù di interessant e di valôr.

O vin miorât il sisteme des promozions tes divisions plui bassis cun plui partidis di cualificazion come conseguence e fâ plui partidis al vûl dî une vore par un periodi lunc de stagjon. Ancje il premi in bêçs al incrès.

Si pues zuiâ plui di un torneu ae volte. Cumò tu puedis viodi la storie dai infortunis dai tiei zuiadôrs subit! E cun le Rêt dai Gjestôrs ducj i utents di Hattrick a puedin tignî memorie des scuadris e dai gjestôrs che a plasin di plui...

Cul batiâ i zuiadôrs e siezgi i events des partidis o vin zontât gnûfs prodots Gears. E se nol è avonde o vin zontât amichevulis di fin stagjon, cussì tu âs une partide ogni fin de setemane, a mancul che no tu lu programedis in altre maniere.

Diamant al è un gnûf nivel di Supporter dolà che tu podis doprâ ducj i prodots Gears cence paiâ credits. In plui al à, dome lui, la funzionalitât Rizue, che ti fâs viodi ce che al sarès sucedût tornant a zuiâ dîs voltis la stesse partide.

Stagjon 56 (4 Avost 2014)

O vin tornât a dissegnâ il sisteme des Copis par vê plui scuadris che si divertedin a zuiâ un turni di Cope interessant. In plui o vin zontât lis Copis di Division pes divisions plui bassis. Al stes timp o vin metût premis plui alts di prime pai prins turnis di Cope.

Cun l'Inglês American, Hattrick al dopre la 55esime lenghe.

Stagjon 57 (24 di Novembar 2014)

O sin contentons de jessude dal sît pai celulârs e dal gnûf dissen des aplicazions par iPhone e Android e o sin convints che al alçarà la esperience di zûc par ducj chei che i plâs che Internet al sedi mobil.

I Supporters e àn la pussibilitât di organizâ listis de Rêt. I Torneus vierts a dan ai gjestôrs la pussibilitât di zontâsi a ogni torneu disponibil cence spietâ un invît.

Stagjon 58 (16 di Març 2015)

La confidence di cumò e sarà plui prevedibile e la colade di cheste in maniere vistose mancul probabile. O vin gjavât lis penalitâts dal alenament pai turnis passâts cence zuiâ, cussì chei zuiadôrs che a zuin un altre volte te setemane no varan mancjancis tai alenaments. E tabaiant di penalitâts, il tîr dai rigôrs no durarà plui vincj minûts, ma dome cualchi minût.

I Supporters a podaran fâ deventâ lis Gloriis de scuadre in osservadôrs des zovanîls, alenadôrs des zovanîls e ogni altri tip di specialist dal staff de scuadre. Come domandât di tancj, lis nestris applicazions pai celulârs e àn cumò ancje une sezion sociâl, dolà che si pues navigâ, lei e scrivi tai forums di Hattrick e ancje gjestî lis HT email.

Cul lâ dai agns o vin viodût une vore di iniziativis de bande dai utents par judâ i gnûfs a capî ce che al è Hattrick e cemût che si zuie. Cumò i din supuart ancje par fâ deventâ plui facil cheste azion di tutorât viers i gnûfs utents e spiegai ce che si pues fâ e ce no, e cirî di fâju deventâ apassionâts come nô.

Si zuiarà un torneu esclusîf par ducj i Supporters in ogni timp jenfri une stagjon e chê altre. Al sarà plui intens des solitis Copis, assolutamentri internazionâl, e al regalarà sorpresis e divertiment a ducj.

Stagjon 59 (6 di Lui 2015)

Al sarà plui facil analizâ lis partidis, dal moment che o mostrarìn lis statistichis des pussibilitâts de partide subite dopo zuiadis. Un simuladôr di formazion al vignarà publicât, pratichementri un modul pai ordins de partide no leât a nissune partide in specific che al covente par lis simulazions dai ordins.

Tal dì dal nestri 18esim complean, o butarìn fûr statistichis dai stipendis par ducj i zuiadôrs e statistichis separadis pes rêts segnadis te scuadre di apartignince. E si podarà creâ e zuiâ in torneus di 32 e 64 scuadris.

O sin orgoiôs dal fat che cun l'indonesian o vin un'altre lenghe tradote in Hattrick. Il nestri personâl sisteme di 'chat' al è stât butât fûr come ultime funzionalitât pes aplicazions mobilis. Cumò tu puedis cjacarâ cui utents de tô serie, cul to aversari e te stanzie de federazion, vierte clarementri a ducj chei de Federazion.

Stagjon 60 (26 Otubar 2015)

Di cheste stagjon il sisteme dal staff al ven rinovât e di cumò indenant a varan contrats. Tu puedis cjapâ su un assistent pe tatiche e si ritirin i puartevôs.

Infin o vin lassât il timp HT e cumò tu puedis sielzi il fûs orari dal to Paîs e viodi lis tôs partidis cence scugnî calcolâ tropis oris di diference tra il Centri Europe e là che tu sês a stâ.

Stagjon 61 (15 Fevrâr 2016)

Cumò o mostrìn i nivei oltri il Divin. Il sisteme dai tutôrs al è miorât par rindi l'esperience tra tutôrs e tutorâts inmò plui biele.

Stagjon 62 (6 Jugn 2016)

Zontant il gnûf Visualizadôr in Direte, l'esperience di cjalâ une partide dal vîf cun Hattrick e devente plui emozionant, e intant ti mostrìn ancje statistichis interessantis e inzornadis. L'arbitri al pues ancje zontâ minûts e e je presentin ancje une Cjacarade (chat), duncje tu puedis cjacarâ cul to aversari o altri gjestôrs de tô serie intant che tu cjalis la partide.

Cul instrument Analisi de Scuadre, tu puedis analizâ lis partidis precedentis dai tiei prossims aversaris in maniere une vore svelte.

Stagjon 63 (26 Setembar 2016)

L'instrument Analisi de Scuadre al à vût un gnûf inzornament e cumò ti lasse analizâ ancje la tô stesse scuadre, ma ancje i tiei zuiadôrs se tu sês un Supporter. Tornâ a Zuiâ une partide al è pussibil ancje par i no Supporter se a doprin i Credits.

Lis notifichis dal browser a son comudis par chei che a stan fasint alc altri, ma che no vuelin pierdisi nuie de lôr partide. Lis pagjinis des leghis nazionâls a son stadis inzornadis, e ti dan statistichis interessantis e ti mostrin il campion atuâl e il detentôr de Cope.

Tancj mioraments a son stâts butâts fûr pai gjestôrs cun une scuadre di zovins, come ad esempli il risultât pront subit daspò l'alenament e i tiei osservadôrs no ti presentin plui i zovins che àn 17 agns. No âstu une scuele di balon pai zovins? E alore no ti puedin presentâ plui i zuiadôrs di 19 agns.

Stagjon 64 (16 Zenâr 2017)

Hattrick Internazionâl ti da la pussibilitât di zuiâ cun altris gjestôrs di dut il mont. In plui, dal moment che a è une gnove leghe di scree, al sarà interessant viodi cui che al sarà prin dopo 6 stagjons!

I infortunis cumò a son plui interessants, dal moment che cumò si sa dolà che un si fâs mâl. E lis stimis dal recuperi a son plui siguris. Partidis ugnulis a puedin jessi analizadis e cualchi miorament al è stât fat ae pagjine des Analisis de Scuadre.

I vôts dai nestris Supporters Platin e Diamant a puartin a ricuardâ cuant che un zovin al è pront par jessi promovût te prime scuadre.

Season 65 (8 May 2017)

We've made improvements to our chat system which makes it easier to find, catch up with and jump in on chats between match days.

A new match order page is released and not only has a new visual design, but a lot of new functionality such as being allowed to bench 7 substitutes and several functions which will help you to prepare setting up a good lineup.

 
 
Rate this page
Server 096